Kaixo! Ongi etorri Pastoral Barrutiaren astekaria dan El Pan de Cada Día aldizkariaren edizio berrira, datorren asteari begira agenda, abisuak eta informazio baliagarriarekin.
Oh Espiritu Santua,
Aitaren eta Semearen maitasuna, Inspiratu nazazu beti
pentsatu behar dudana,
esan behar dudana,
nola esan behar dudan,
isildu behar dudana,
nola jokatu behar dudan,
zer egin behar dudan,
Jainkoaren aintzarako,
arimen onerako
eta neure Santifikazioa. Espiritu Santua,
Emadazu ulertzeko zorroztasuna,
atxikitzeko gaitasuna,
ikasteko metodoa eta ahalmena,
interpretatzeko sotiltasuna,
grazia eta eraginkortasuna hitz egiteko. Emadazu asmatzea hastean
norabidea aurreratzean
eta perfekzioa bukatzean.
Amen.
Asteko agendari dagokionez, garrantzi handiz azpimarratzen dugu ospakizunen ordutegiaren aldaketa, udako ordutegiarekin hasiko baikara.
- Datorren asteburutik aurrera jarriko da martxan: aste barruan, uztailean mezak ez dira aldatuko eta abuztuan Las Mercedeseko 13:00etako meza kenduko da astelehenetik ostiralera. Larunbatean, mezak izango dira Las Mercedesen, 9: 30ean egunero eta 19:00etan bezperan. Igandean, mezak izango dira 11:00etan Santa Anan, 12:00etan San José Obreron eta 13:00etan eta 19:00etan Las Mercedesen.
Ebanjelio Santuaren irakurmena, Mateo Deunaren liburutik, 10; 37-42
Denbora hartan, Jesusek bere dizipuluei esan zien:
“Aita nahiz ama ni baino maiteago duena ez da niretzat gai; semea nahiz alaba ni baino maiteago duena ez da niretzat gai. Bere gurutzea hartu eta jarraitzen ez didana ez da niretzat gai. Bere biziaren jabe izan nahian dabilenak galdu egingo du; bere bizia niregatik galtzen duenak, ordea, eskuratu egingo du.”.
EBANJELIOARI BURUZKO IRUZKINA
Bilboko Gotzaitegia
Gaurko Ebanjelioak harreraz hitz egiten digu. Jesusek dio: “Zuek hartzen zaituztenak ni hartzen nau”.
Kristau fedea ez da hitz edo ideiekin bakarrik bizi. Besteak tratatzeko moduan bizi gara.
Pertsona batzuek arrastoa uzten dute, ez diskurtso handiengatik, baizik eta hartzen, entzuten eta gertu egoten dakitelako. Eta horrek asko du Ebanjeliotik.
Jesusek gaur gogorarazten digu maitasunez egindako keinu xume bakoitzak balioa duela Jainkoaren aurrean. Txikiari eta behar duenari emandako “baso bat ur fresko” ere garrantzitsua da Jaunarentzat.
Batzuetan pentsatzen dugu fedea bizitzeko gauza apartak egin behar direla. Baina Ebanjelioa ia beti txikitan hasten da: bisita bat, laguntza bat, dei bat, hitz on bat edo hurbileko presentzia bat.
Gure kristau alkartea ere horrelakoa izatera deitua dago: pertsonak hartuak eta lagunduak sentitzeko leku bat.
Gaur, Eukaristia ospatzen ez dogun arren, Jaunak bere Hitzaren inguruan biltzen gaitu gure fedea eta alkarte bizitza elikatzen jarraitzeko.
Eska diezaiogun eguneroko keinu txikietan eta gure bidean jartzen dituen pertsonengan presente dagoela jakiten laguntzeko.