ESSan Jose Langilea
Maiatzaren 1ean, Elizak San Jose Langilearen jaia ospatzen du, langile klasearen zaindaria, Lanaren Munduko Egunarekin bat egiten duena. Ospakizun liturgiko bezala 1955ean sortu zuen Pio XII Aita Santuak, Vatikanoko San Pedro plazan bildutako langile talde baten aurrean. Orduan Aita Santuak zera zioen: “Nazareteko langile xumea, Jainkoaren eta Elizaren aurrean eskulangilearen duintasuna gorpuzteaz gain, izan dadila munduko langile guztientzat, babesle berezia Jainkoaren aurrean, eta laneko zigor eta arriskuetan defendatzeko ezkutua”.
Testuinguru horretan, 1955eko azaroaren 17an, Casimiro Morcillo Bilboko gotzainak eraiki zuen, kanonikoki, Erromoko auzoan eraiki beharreko parrokia berria, San Jose Langilearen izenpean. Behin-behinekoz, 1955etik 1959ra, Jesukristo Apaiz Laguntzaileen Batasun Apostolikoko Seme mojen kapera parrokia-eliza izan zen. Urte askoan lagundu zuten hainbat parrokia-zerbitzutan, eta, gaur egun, Bilboko Santiago Katedralean eta Abandoko San Bizente Martiriaren parrokian lan egiten jarraitzen dute. Moja hauen komentua Getxoko Udalak erosi zuen, jubilatuen udal zentro bezala eraberritu zuena, zerbitzu on askorekin, 1987ko azaroak 21ean inauguratua izan zelarik.
Parrokiako tenplu honen eraikuntza, Aguilar domingotarrak XX. mendeko 50eko hamarkadan sustatutako “Arte Sakratua” mugimenduaren barnean kokatzen da. Mugimendu artistiko arkitektoniko horrek arkitektura eta arte kristauan lehenagoko beste korronte artistiko batzuk hartu nahi ditu, hala nola arrazionalismo alemana eta Art Noveau eta espresionismo frantsesa. Burdinazko eta zementuzko, altzairuzko, aluminiozko eta hormigoizko elementu modernoekin eraikitzea izango da funtsezko ezaugarria, beirate handiak ahalbidetzen dituztenak.
Testuinguru historiko-artistiko horretan, 1956ko otsailaren 19an, Casimiro Morcillo jaunak, garai hartan Bilboko apezpiku zenak, tenplu baten lehen harria jarri zuen, martxoaren 15ean Pablo Gúrpide gotzainak bedeinkatu zuena. 1959ko martxoak 19an inauguratu zen, San Jose Elizako senarraren egunean.
Parrokia-eliza Emiliano Amann eta Celestino Martinez arkitektoek diseinatu zuten, 32 metroko dorrearekin, eta estilo arkitektoniko modernoa jaso zuen, Amsterdamgo Burtsaren eraikinaren siluetan inspiratu baitzen, Europa mailan arkitekturaren aldetik saritua izan zena. Duela gutxi, bere fatxadan koloretako teselazko mosaikoa zaharberritu da, Javier Clavok egina, gure fedearen apostolu eta ebanjelariak aurkezten dituena.
San Joseren eskultura bat du bere presbiterioan, baita Egiptorako ihesa ere, José Luis Sánchezen lanak. Eta intxaurrondo beltzeko egurrez gurutziltzatutako Kristo bat, Erromoko Juan Guraia auzoko artistak egina. Erromoko beste eliztar askok, euren eskuekin, euren ordu libreetan parrokiaren eraikuntzan lan egin zuten.
Bere ibilbideko lehen urteetan, joan den mendeko 60ko eta 70eko hamarkadetan, pastoral ekimen garrantzitsuak bultzatu ziren: parrokia-gizarte foroa, parrokiako abesbatza, talde biblikoak, helduen katekumenotza, guraso eskola. Elizaren eta apaizetxearen ondoko parrokia-zentro bat ere eraiki zen, eta Zikujanon (Araba) lursail batzuk zituen etxe bat erosi zen. Bertan, gazteen kanpaldiak eta familien jarduerak egin ziren AMALUR elkartearen inguruan, bai eta gazteen eta helduen beste parrokia-talde batzuen inguruan ere.